You are here

uAko16 Arareo Māori

Māori Medium Sessions

Kei te tī, kei te tā, tautī mai rā ki uAko 2016! E whakakao ana tēnei hui i ngā kaiwhāngai mātauranga Māori ki te tuihono me te mahi ngātahi tātou ki a tātou ka tahi, ki te whakanui, ki te tiritiri hoki i ngā āhuatanga huhua o te ako.

Ko te panoni i ngā āhuatanga o te ako te aronga matua i tēnei tau:

  • Te panoni i te ako me te aromatawai / Transforming learning and assessment
  • Te panoni i te mahi kia angitu / Transforming professional practice
  • Te panoni i te tangata kia rangatira / Transforming leadership

Kaikōrero matua arareo MāoriCharisma Rangipunga

Charisma Rangipunga (Ngāi Tahu Holdings) -  Kei te kapakapa rānei te ngākau o te reo Māori?

Te whakarāpopotonga

Kei te mōhio rānei tātou ki te āhua o tō tātou reo i ēnei rā? E hia kē nei ngā ara kua whaia hei whakarauora i tō tātou reo engari he haere kurī noa iho ērā haerenga, kua ora ake rānei tō tātou reo i aua mahi?

Kaikōrero arareo Māori

Koinei ngā kaikōrero ka tū ki te rārangi arareo Māori me ā rātou kaupapa kōrero:

  • Nichole Gully, Rosalie Reiri, Janelle Riki-Waaka (CORE Tātai Aho Rau) - Te Eke Angitu i tētahi Taiao Ako Māori Hou
  • Maria Tibble, Hohepa Isaac-Sharland, Phoebe Davis (CORE Tātai Aho Rau) - Whakatangata whenuatia te ako i ngā taonga a kui mā, a koro mā: He rautaki
  • Teanau Tuiono, Te Mihinga Komene (CORE Tātai Aho Rau) - Te Pakanga Tuatahi o te Ao: He pae tukutuku mā ngā pouako
  • Anahera McGregor, Rosalie Reiri (CORE Tātai Aho Rau) - Te Takanga o te Wā: Te hītori Māori nō te tirohanga ā te iwi Māori
  • Tahu Paki (TKKM o Te Kura Whakapūmau i te Reo Tūturu ki Waitaha) - Tīhau Atu, Tīhau Mai

Te Rēhita

E tūwhera ana ngā rēhitatanga mō uAko16 (uLearn16) He nui ngā kōwhiringa hei tirotiro māu. Mēnā he rōpū e rēhita ana i tō kura, i tō wāhi mahi rānei, he tokorima neke atu rānei koutou, ka māmā ake te utu mā te 10 ōrau (10%). Ka mutu, mēnā he 20 tāngata neke atu, ka māmā ake te utu mā te 15 ōrau (15%) Kia kamakama e hoa mā!

Te Hākari

Kia tinga te ngārara haere mai ki te kai tahi, ki te ngahau tahi. $105+tāke*. 6 o Whiringa-a-nuku.

*Kāore he utu māmā mō ngā tīkiti mō te hākari.

 

HAERE MAI, KIA NONOI KOE I NGĀ ROHEROHENGA O TE AKO KI TUA O TAEA!

RĒHITATIA

ULearn Blog